Vawlei cung ah hin hringtu pa le hi an biapi bik cio. Zeicahtiah anmah nih lam hmuhsakning le hruaining in an fale vialte zong nun le theipar a si ca ah a si.
Ka pa dawtnak blog hi hneksaknak ca ah tuahmi sawh a si. Blogger templates thimnak ca ah tinhmi a si. Zeihmanh a thar tuahmi a um lai lo. A chung ummi vialte zong lakding a si lai lo.
Thilttha le thil lianngan a tuahkho mi hna khi an pa le a tthawngmi, aa zuam mi an si ve ko. Zeicahtiah hi bantuk hi ci le ruang zong in a kal ti a si. Zawtnak zong khi pale le nule thisen in an fale cung ah a kai ti a si ve bantuk in hringtu pa le nu hi fale ca ah a biapibik an si ko. Cucaah fale vialte nih upat hna ding a si i pale vialte zong nih fale ca ah a tthabik in izuam ding a si ve.
Hi bantuk hin thil a si ca ah vawlei cung hi a buaituknak a si. Innchungkhar hi sianginn tthabik a si tizong kan thei tawn lo. Kan fale ca ah pastor tthabik le evangelist tthabik zong pale le nule kan si ti hi theih hrimhrim kan hau.
Nihin kan vawleipi ah sualnak a karh chin tiah an chim ngai cio. Asi ah, zeiruang ah dah a si timi hi an ruat bal cio maw? An ruat lem lai lo dah! Chungkhar cio ah nu le pa (parents) a simi vialte nih kan fale ca ah saza tthabik, cawnpiaktu tthabik, pastor tthabik, le evangelist tthabik kan si ti hi kan thei lo. Cucu theih hrimhrim kan hau i kan fale ca ah kanmah nakin a tthadeuh mi an um lo ti fiangte in theih kan hau. Kan fale an sual tikah, vawleicung ah sualnak a karh chinleng kan timi chungah pastorte le sianginn cawnpiaktu sazate sual kan phawt hna hlan ah kanmah nule pale vialte sual kan iphawt hmasa a hau.
Pathian nih a kan ttuanpiak mi rian, kanmah pumpak nih kan ttuanding mi rian, kan hawikom nih an kan ttuanpiak ding rian, kan pastorte le sazate nih an kan ttuanpiak ding rian, tbt in rianttuanning le ttuanding a phunphun in a um. Nihin Laimi Krifa hna nih kanmah pumpak nih kan ttuandingmi rian i awt bak lo in Pathian le midang vialte nih ttuanpiak dih ding in kan ruahmi hi a sualbik mi kan lungput le kan hruhnak bik a si.
Kha, kan peh tthan te lai. Mah vial rih seh.
Suimilam
***
No comments:
Post a Comment